題為編輯所擬
港大宿舍一向畀人覺得係「玩得好癲」，冇錯，但唔係剩係得玩，嗰度係一個社會宿影，你住過幾年，出到社會見到好多嘢，無論係勁人、怪胎定係仆街，你都有「呢啲人宿舍都見過啦」的感受。英國傳統的Hall Education是非常寶貴的，有啲人以為住宿舍的人就是懶散唔讀書，錯了，我唔讀書，但我搞活動捱通頂每日瞓四小時，學到好多書本永世學唔到嘅嘢，夠你在社會一生受用。同冇經驗嘅人講咩係Hall Education，係夏蟲語冰，所以佢覺得港大住Hall嘅人係廢青，都冇乜好爭拗。及後港大跟美式轉四年制，一年考兩次試，傳統的舍堂教育也就慢慢變質了。
在我嗰個時代，係好多嘢玩，但絕對唔會玩到今日咁(如果報道屬實)，因為我們那個年代的人，知道什麼叫分寸！
我覺得今日好多人冇咗「分寸」呢個概念，講嘢好盡，做嘢好盡，玩嘢都好盡，好多人唔識considerate呢個概念，唔知咩叫「不可彌補的後果」。你要問點解大學生玩成咁？咁或者要同時睇吓，點解今日名校中學生夠膽在廁所裝CAM偷拍，點解大學上莊要玩到有無間道收集情報，點解會有滲透......
今日的教育，由家長到學校，還重視常識、分寸、品行嗎？在網上意見不合，不就是落地獄死全家嗎？
Mad World, this is!